Dj Toxxyk agiye kugezwa imbere y’urukiko
Arnold Shema uzwi nka DJ Toxxyk, aragezwa imbere y’Urukiko rw’Ibanze rwa Nyarugenge mu rubanza rujyanye n’ibyaha akurikiranyweho byo gukora impanuka agahunga, impanuka yahitanye umupolisi wari mu kazi.
Ubundi akurikiranyweho ibyaha bine aribyo akurikiranyweho ibyaha bine, aribyo icy’ubwicanyi budaturutse ku bushake,Icyo gutwara wanyoye ibisindisha,Icyaha cyo gutwara ikinyabiziga nta ruhushya,Icyaha cyo gukoresha ibiyobyabwenge
Umuvugizi w’Urwego rw’Ubushinjacyaha, Faustin Nkusi, yemeje ko uru rwego rwakiriye dosiye ya Shema ku wa 29 Ukuboza. Iyo dosiye yahise ishyikirizwa urukiko, naho ukekwaho icyaha ategerejwe kwitaba urukiko kuri uyu wa Gatatu, tariki ya 7 Mutarama 2026.
Mu gitondo Tariki 20 Ukuboza 2025 nibwo uyu mu DJ yagonze umupolisi wo mu muhanda ahita yitaba Imana,uyu ahita acika aho yafatiwe mu karere ka Karongi mu masaha ya nyuma ya Saa Sita kuri uwo munsi.
Inzego zivuga ko uyu musore yiyemereye ko asanzwe akoresha ibyobyabwenge ndetse ko niwe babihasanze nyuma y’igikorwa cyo gusaka urugo rwe.
