Urwikekwe rwatumye Tshisekedi afunga aba Jenerali 4
Amakuru aturuka I Kinshasa avuga ko kuber urwikekwe rwa Perezida Tsisekedi wa Kongo yamaze gufunga abasirikare bakuru benshi barimo abo ku rwego rwa Jenerali 4,Abakoloneli ndetse hakaba harimo n’abasivile.
Abo basirikare bajyanywe muri gereza ya gisirikare ya Ndolo iri i Kinshasa, nyuma y’iperereza ryimbitse ryakozwe n’urwego rwitwa Conseil national de cyberdéfense (CNC), rwemeza ko rufite ibimenyetso bifatika.
Mu bafunzwe harimo Lt.Gen Franck Buamunda Ntumba, yahoze ashinzwe umutekano wa Perezida.
Abandi ni Maj.Gen Christian Ndaywel Okura, Brig. Gen Benjamin Katende Batubadila na Brig.Gen Antoine Longondjo Lobandji (alias Lolo).
Ubutegetsi bwa Perezida Felix Tshisekedi bwanafunze Col. Jules Boele Bagolome, Lt. Col Ada Sebakungu, Maj. Jean Lambert Embole Ngondili, n’abandi.
Hanafunzwe abasivile barimo uwitwa Jean Marcel Kabeya Mbuyi, John Safari Bigarura, n’uwitwa John Mbu-Letang.
Aba bose bakurikiranyweho ibyaha bikomeye birimo kurema umutwe w’abagizi ba nabi, umugambi wo guhirika ubutegetsi, kugerageza kwica, kugirana ubugambanyi n’igihugu gikomeye cy’amahanga, kwica amabwiriza, gutangaza ibihuha ku mbuga nkoranyambaga, gucumura kuri Perezida, gukoreshwa intwaro muri gahunda yo guhirika ubutegetsi, n’ivangura rishingiye ku moko.
Kuva Perezida Felix Tshisekedi yafata ubutegetsi hakunze kugaragara ibisa no kwibasira abahoze bakora n’uwo yasimbuye Joseph Kabila, bamwe bafungwa abandi bakirukanwa mu mirmo mu buryo budasobanutse.
Raoul Nshungu – Amahoronews.com
