Iburengerazuba: Made in Rwanda ku nkombe z’ikiyaga cya Kivu, iserukiramuco n’imurikabikorwa bizenguruka Intara
Yirunga Ltd ku bufatanye n’Intara y’Iburengerazuba bateguye iserukiramuco ridasanzwe rihurirana n’imurikabikorwa (Expo), rizamara iminsi 41, rikazabera mu turere twose dukora ku nkengero z’Ikiyaga cya Kivu: Rubavu, Rutsiro, Karongi, Nyamasheke na Rusizi.
Iri serukiramuco rigamije guteza imbere umuco n’ubukerarugendo bushingiye ku Kiyaga cya Kivu, no kumurika ibikorerwa mu Ntara y’Iburengerazuba (Made in Rwanda), by’umwihariko ibikomoka ku buhinzi n’ubworozi, inganda, ubucuruzi, ubukerarugendo ndetse n’ibigo bitanga serivisi zitandukanye, binyuze mu imurikabikorwa n’iserukiramuco (Expo & Exhibition).
Abazitabira Kivu Beach Expo & Festival bazasusurutswa n’abahanzi bagezweho mu bitaramo bizabera mu turere twose. Abana nabo bazaba bazaniwe ibikinisho n’ibikorwa byabateguriwe byo kwidagadura.
Hateganyijwe kandi imikino itandukanye, amarushanwa, ndetse n’ibikorwa bigamije kuzamura impano mu rubyiruko, byose bizabera ku mucanga wa Kivu muri buri karere kizaberamo iri serukiramuco n’imurikabikorwa.
Uko ibikorwa bizaba biteye muri buri Karere;
Ku bindi bisobanuro mwahamagara kuri : 0781000112 / 0788828610 / 0788219048.
Ubuyobozi bwa; YIRUNGA LTD / KIVU BEACH EXPO & FESTIVAL
Bubashimiye uruhare mugira mu iterambere ry’Igihugu cyacu.
YIRUNGA LTD / KIVU BEACH EXPO & FESTIVAL
