Gasabo: Nyandungu Eco-Park, Urugero rw’iterambere rirambye n’ibidukikije bibungabunzwe i Kigali

Mu majyaruguru y’Umujyi wa Kigali, mu gace kari kamenyerewe nk’akarambi k’amazi atemba n’ubutaka bwataye agaciro, haravuguruwe inkuru ishimishije y’ubuzima bushya, Nyandungu Eco-Park.

Iyi pariki, ifite ubuso bwa hegitari zirenga 120, ni urugero rugaragara rw’uko iterambere rirambye rishobora guhuzwa no kubungabunga ibidukikije.

Yatashywe ku mugaragaro mu 2022, Nyandungu Eco-Park yahindutse ahantu nyaburanga h’ingenzi mu mujyi wa Kigali, aho abaturarwanda n’abashyitsi baturutse imihanda yose baza gususuruka, kwidagadura no kwigira ku bidukikije byitaweho n’imbonekarimwe.

Pariki igizwe n’ibice bitandukanye birimo;

Inzira za ba mukerarugendo n’abanyamaguru, Ibiyaga by’uburanga (ornamental ponds), Amashyamba ya kimeza n’ubusitani bw’ibimera bivura, Aho kurebera inyoni (bird-watching) zirenga 100, N’ahantu ho gusabira no kwidagadurira n’imiryango.

Mu gutunganya Nyandungu, hubatswe inzira zifasha kugabanya imyuzure no kongera uburumbuke bw’ubutaka, Ibiyigize n’akamaro kayo, Hegitari 120 z’ubusitani n’ubusitani bw’ibimera, Ibiyaga by’amazi y’imitako (ornamental ponds), hanatewe ibiti by’iwacu birenga 55 n’ibimera by’imiti birenga 50.

Ubu ni ubuhamya bw’uburyo ubusitani rusange bushobora kuba igisubizo ku bibazo by’imihindagurikire y’ibihe n’imyanda y’imijyi, Aho kwicarira, kurebera inyoni, no gusabira, Amagambo y’abayisuye

Nyandungu ni urugero rugaragara rw’uburyo ubuyobozi bw’u Rwanda bwiyemeje guteza imbere iterambere ridaheza, rikubaka imibereho myiza y’abaturage n’ubukerarugendo bushingiye ku bidukikije.

Kuri buri muturage cyangwa musura Kigali, gusura Nyandungu si urugendo gusa ni isomo, ni ubukire bw’ibihe, ni ubuzima.

Mu abagiye basura Nyandungu Eco-Park, uwitwa Aline wo mu karere ka Gasabo, Yagize ati, “Nagiye Nyandungu n’umuryango wanjye, twabonye ko atari gusa pariki ni isomo ryo gukunda igihugu no kwita ku bidukikije.”

Kwizera Jean, waturutse mu akarere ka Huye, ati, “Hari amahoro, umwuka mwiza, n’amahugurwa y’ukuri ku bimera. Byanyigishije byinshi ku ruhare rwacu mu kurengera isi.”

Imigambi ya Leta n’uruhare rwa Nyandungu

Nyandungu Eco-Park ni igice cy’icyerekezo cya Leta y’u Rwanda cyo kubaka “Green City Kigali”, umujyi ushishikajwe no;

Kurwanya ihindagurika ry’ibihe, Gukoresha neza ubutaka butagikora, Gushyigikira ubukerarugendo burambye, Kwigisha urubyiruko n’abaturage uburezi bushingiye ku bidukikije

Iyi Nyandungu Eco-Park, yubatswe ku nkunga y’Ikigega cy’Igihugu gitera inkunga imishinga ijyanye no kurengera ibidukikije (FONERWA) hamwe n’abandi bafatanyabikorwa.